Contoh Pidato dalam Bahasa Sunda

Pidato adalah sebuah kegiatan berbicara di depan umum atau berorasi untuk menyatakan pendapatnya atau memberikan gambaran tentang sesuatu hal. Berikut adalah contoh pidato dalam bahasa sunda.
Assalamualaikum Wr. Wb
Ba’da tahiyatul islam, tipayun puji anu tos maranti ti jaman para nabi urang sanggakeun ka Allah anu maha suci. Puja anu tos biasa ti jaman para anbiya urang sanggakeun ka Allah anu maha kawasa. Reh mantena nakdir kalayan ngairodah ka urang sadaya sahingga tiasa riung mungpulung, bongkok ngaronyok  dina raraga mieling kana di isro sareng di mi’rajkeun na kanjeng nabi.

Solawat miwah salam na mugia di limpahkeun ka baginda alam tercinta yane habibana wanabiyana karim kanjeng Nabi Muhammad SAW. Oge mudah-mudahan taopek, hidayah, elmu sareng safa’at sing kapimilik kanggo urang sadayana janten umatna. Amin.

Teu hilap ngahaturkeun nuhun ka kersana parasepuh miwah paratamu anu sami rawuh anu parantos nyempatkeun sareng ninggalkeun pidamelannana. Tapi pamudah-mudahan dongkapna dina tempat ieu mugia dijantenkeun amal kasaean di yaumul jaza wal’hisab.

Hadirin anu dipihormat, tangtosna oge urang terang kana sasih rajab, naon cenah ari sasih rajab teh? Sasih rajab nyaeta sasih anu diisro sareng dimi’rojkeunna kanjeng Nabi Muhammad SAW.

Dina hiji riwayat waktos kanjeng Rosul SAW dimi’rojkeun sareng dipintonkeun ka surga, dina hiji waktos kanjeng rosul ningali hiji wahangan anu kacida ahengna, caina tiis alah batan salju, amisna giung alah batan madu, sareng bodasna ngeplak alah batan cisusu. Tos kitu kanjeng nabi naros ka malaikat Jibril pikeun cawisan saha anu nginum ieu cai wahangan anu kacida mulyana. Teras diwaler ku malaikat Jibril teh “ieu teh pikeun umat gusti anu sok getol ngaoskeun solawat dina sasih Rajab”. Kumaha cenah solawatanna? Solawatanna mah bade nu pondok mangga, bade nu panjang oge mangga, kumaha tiasana we asal niatan seja ta’dim kana diisro sareng dimi’rajkeun na kanjeng nabi. Hoyong ka surga teu? Tah ayena urang hoyong lebet ka surga berarti urang kedah ngumpul-ngumpul heula amal soleh sareng kedah ngalaksanakeun parentah sareng ngajauhan laranganna.

Hadirin, urang hirup di dunya teh ngan saukur ngumbara, nya sabetah-beutah na di dunya pasti aya pang balikannana. Sok atuh ayena mah gunakeun ngora anjeun samemeh pikun, cager anjen samemeh geuring, benghar anjeun samemeh pakir, salse anjen samemeh dongkap kariweuh, sareng hirup anjeun samemeh maot.

Pokona pesen ti sim abdi :

·         Ulah ngaraos gaduh bumi ageung, da waktos maot mah ngan saukur 2m dina taneuh.

·         Ulah ngaraos gaduh atanapi nganggo acuk mewah, sabab maot mah saukur nganggo boeh.

·         Ulah ngaraos ginding ku kandaraan motor atawa mobil, sabab nu nganterkeun maot mah iwal ti pasaran.

Rupina sakitu bae anu tiasa ka sanggakeun, hapunten kana ieu cariosan anu sapatah atanapi dua patahna, sanajan bari tas-tes-tos nyorocos bari teu kahartos, tapi mudah-mudahan masing kapetik hasilna kaala buahna. Hapunten bilih aya kalepatan. Wassalamualaikum Wr. Wb.